Nepali News and Entertainment

काठमाडौँ । काँग्रेसले बोलाएको सर्वदलीय बैठक बहिष्कार गरेको नेकपा एमालेले विपक्षी गठबन्धनको बैठक बोलाएको छ ।सिंहदरबारस्थित एमाले संसदीय दलको कार्यालयमा जारी बैठकमा राप्रपाका अध्यक्ष कमल थापासहित विपक्षी दलका नेताहरु सहभागी रहेको दैनिक नेपाल सहकर्मी विमल योगीले जनाएका छन् । बैठकमा विपक्षी मोर्चाबाट प्रधानमन्त्रीको उम्मेदवार तय गर्ने / नगर्ने लगायतका विषयमा छलफल भइरहेको छ । विपक्षी गठबन्धनमा नेकपा एमालेसहित नेकपा माले, राष्ट्रिय जनमोर्चा, नेमकिपा, परिवार दल, दलित जनजाति पार्टीसहित ९ दल छन् । कमल थापा नेतृत्वको राप्रपा पनि मिसिएपछि १० दल बनेको छ । दैनिकनेपाल

काठमाडौंः निर्वाचन आयोगले भरतुर महानगरपालिकामा पुनः मतगणनना गराउने तयारी गरेको छ। आयोगको दुई दिनसम्म बसेको बैठकबाट भरतपुर महानगरपालिकाको १९ नम्बर वडाको च्यातिएको ९० मत खारेज गरेर पुनः मतगणनाको तयारी गरेको हो। निर्वाचन आयोगको बैठकमा आयुक्त इला शर्मा भने सहभागी छैनन्। निर्वाचन शिक्षाको कार्यक्रम लिएर बारा पर्साको भ्रमणमा रहेकी शर्मा भने निर्णय प्रक्रियामा सहभागी भएकी छैनन्। गत १४ गते राति मतगणनाकै क्रममा मतपत्र च्यातिएपछि भरतपुर महानगरपालिकाको मत गणना स्थगित भएको थियो। मतगणनापछि आयोगले सहन्यायाधिवक्ता गीताप्रसाद तिमल्सिनाको संयोजक्तवमा तीन सदस्यीय समिति गठन गरी छानविनका लागि पठाएको थियो। छानविन समितिको प्रतिवेदनले मतपत्र च्यातिएपछि पोको पारेर सिलबन्दी गरेर राखिएको प्रतिवेदन बुझाएपछि आयोगले सबै पक्षलाई राखेर खोल्न र च्यातिएर नोक्सान भएको मतपत्र एकीन गर्न निर्देशन दिएको थियो। आयोगको निर्देशन अनुसार बिहीबार सिल खोलेर भरतपुरका प्रमुख निर्वाचन अधिकृतको नेतृत्वमा नोक्सान भएका मतपत्र गणना गरिएको थियो। गणना गर्ना ९० मत नोक्सन भएको थियो। नोक्सान भएको संख्या एकीन गरेर आयोगले रिपोर...

धनाढ्य कर्मचारी, जसलाई देउवादेखि लोकमानसम्मको साथ थियो  १९ जेठ, काठमाडौं । नेपालको निजामति सेवाकै सबैभन्दा धनी कर्मचारीका रुपमा चर्चित सहसचिव चूडामणि शर्मा अन्ततः शुक्रबार अख्तियारको नियन्त्रणमा पुगेका छन् । साउनमा सचिव बढुवा भएर मुख्यसचिवको लाइनमा बस्न लागेका थिए शर्मा । तर, अब अख्तियारको कारवाहीसँगै उनको मुख्य सचिवसम्मको यात्रामा ब्रेक लागेको छ । कुनै समय अख्तियार नै किन्न सक्ने हैसियत बनाएका र लोकमानसिंह कार्की अख्तियार प्रमुख हुँदा सेटिङमै काम मिलाउने गरेका शर्माले सायदै सोचेका थिए, आफैं एक दिन अख्तियारको फन्दामा पर्छु भनेर । तर, शुक्रबार उनले नसोचेको भयो । कर फर्छ्यौट आयोगको सन्दर्भमा गोप्यरुपमा वयान दिन गएका शर्मा त्यहाँबाट फर्किन पाएनन्, बरु उनी अख्तियारको हिरासतमा परेको खबर सार्वजनिक भयो । अथाह सम्पत्तिः सधैं शक्तिमा चूडामणि शर्मासँग कति सम्पत्ति छ भन्ने उनी आफैंलाई थाहा छैन भन्छन् उनलाई नजिकबाट चिन्नेहरु । खुसी लुकाउने ठाउँ हुँदैन भने जस्तै शर्माले कुनैबेला आफ्ना हितैषीहरुसँग सम्पत्ति लुकाउने ठाउँ भएन भनेर ठट्टा गरेको चर्चा पनि उच्च प्रशासकहरुब...